पोखरा, २ असोज / मिस गण्डकीको पाँचौं संस्करणलाई हिरो ड्युट स्कुटरको साथ मिलेको छ । यससँगै एस.टी
क्रियशनको आयोजनामा भईरहको सौन्दर्य प्रतियोगिताको विजेताले चाँदीको क्राउन सहित अब हिरोको ड्युट
स्कुटर र अष्ट्रेलिया भ्रमण पनि प्राप्त गर्ने भएका छन् ।
असोज १२ गते शुक्रबार साँगीतिक कार्यक्रमको साथमा प्रतियोगिताको अन्तिम प्रतिस्पर्धा हुदैछ । जस्मा १५ जना
प्रतियोगीहरुको सहभागिता रहने आयोजकले जनाएको छ । विभिन्न राउण्ड पार गर्दै उनिहरु फाईनलका लागि
छनोट भएका हुन् ।
त्यस्तै, विजेता अलवा फस्ट रनर अपले सत्तरी हजार रुपैयाँ बराबरको आर्कशक पुरस्कार, सेकेण्ड रनर अपले
पचास हजार रुपैयाँ बराबरको आर्कशक पुरस्कार र थर्ड रनर अपले बीस हजार रुपैयाँ बराबरको आर्कशक
पुरस्कारको साथै क्राउन, अवार्ड, ट्रफी र प्रमाण पत्र आदी पाउने आयोजक संस्था एस.टी क्रियशनका प्रबन्ध
निर्देशक सुरज थापाले बताए ।
यस्तै, अन्य उप–विद्यामा पनि विभिन्न किसिमका गिफ्ट ह्याम्परहरु प्रदान गरिने आयोजक संस्थाकी कार्यक्रम
संयोजक इनिशा दुराले जानकारी गराईन् । कार्यक्रमका कोरियोग्राफर समेत रहेका थापाले मिस गण्डकी सिजन
५ को विषेश कक्षा र कोरियोग्राफीका लागि मिस नेपाल वल्र्ड २००५ की विजेता सुगारिका केसी आउने बताए ।
पोखराको सौन्दर्य प्रतियोगिताले अब देशकै प्रतिनिधत्व गनुपर्ने उनको भनाई थियो ।
यसअघि, प्रशिक्षण अवधिभरमा सौन्दर्य क्षेत्रका नेपालका अनुभवी चर्चित वरिष्ठ कोरियोग्राफर एवम कलाकार
प्रशान्त ताम्राकार, कलाकार अनुपबिक्रम शाही, अग्रज अभिनेता सरोज खनाल, चर्चित अभिनेता प्रदिप खडका
लगायत पोखरा र काठमाडौंका विभिन्न क्षेत्रका दखल प्राप्त अनुभवी व्यत्तित्वहरुबाट विद्यागत प्रशिक्षण गराईएको
आयोजक संस्थाले जनाएको छ ।