पोखरा, ७ असोज /सबैको अनुहारमा खुसिको रंग । नेपथ्यमा मधुर आवाजमा गीत । अरु बेलाको भन्दा भिन्न छ
माहोल । सम्मान लिने र दिने । बेलाबेला तालिको गडगडाहटले हल गुञ्जायमान हुन्छ । प्रसंग माउन्ट कैलाश
रिसोर्ट प्रालिको ९ औं वार्षिक उत्सवको अवसरमा आयोजीत कार्यक्रममा । १० औं वर्षमा प्रवेश गरेको अवसरमा
रिसोर्टले उत्कृष्ट काम गर्ने कर्मचारीलाई सम्मान तथा पुरस्कृत गरेको छ ।
उत्कृष्ट काम गर्ने १० जनालाई गिफ्ट ह्याम्पर । यस्तै २ जनालाई नगद ५/५ हजार रुपैया साथै ‘इम्पोलोइ अफ
द इयर’ टाइटलमा १ जनालाई आधि तोलाको सुनको औंठीले सम्मान गरेका छन् । यति मात्रै हैन ५ जना
कर्मचारीलाई ५ दिनका लागि थाइल्यान्ड टुरको व्यवस्था पनि गरिएको छ । ‘व्यवसाय सफल हुन १ जना मात्र
कस्सिएर हुँदैन,’ रिसोर्टका अध्यक्ष नरेश भट्टराई भन्छन्, ‘सबैको मेहेनत चाहिन्छ ।’ कामको प्रोत्साहन गर्न
सकेमात्र कर्मचारीले राम्रोसँग काम गर्न सक्ने उनको भनाई थियो । भन्छन्, ‘उनीहरुहको लगाब । उनीहरुलाई
कामप्रति प्रोत्साहन गर्न पनि सम्मान गर्यौ ।’
यसअघि पनि रिसोर्टले कामप्रति प्रोत्साहन गर्न थुप्रै कर्मचारीलाई सम्मान गरेको थियो । रिर्साटका ह्युमन
रिसोर्स म्यानेजर सूर्यप्रसाद पौडेलले कर्मचारीलाई सरकारी स्केलको तलब, ७ लाखको दुर्घटना विमा, १ लाखको
स्वास्थ्य विमा र अभर टाइम काम गरे थप तलबको सुबिधा रहेको जानकारी दिए ।
रिर्सोटमा सुविधा सम्पन्न बालकोनी सहितका ५१ कोठा रहेको रिसोर्ट ९ वर्षअघि व्यवसायी नरेश भट्टराईले
सञ्चालनमा ल्याएका थिए । खुला ठाउँ, स्विमिङ पुल, बगैंचा, र आकर्षक बनावट रहेको रिसोर्ट पोखरा आउने
पर्यटकको उत्कृष्ट रोजाइमा पर्छ । फेवातालको पूर्वी दक्षिण बसुन्धरा पार्कसँगै रहेको रिसोर्ट लेकसाइडको मध्य
भागभन्दा निक्कै शान्त र हरियाली भएकाले पनि पर्यटकले बढी मन पराउने सञ्चालक भट्टराई बताउँछन् ।
रिसोर्टमै बसेका पर्यटकका लागि चौबीसै घन्टा सेवा सुविधा भए पनि अन्य पर्यटकका लागि बिहान ६ देखि राति
११ बजेसम्म रेस्टुरेन्टले सेवा दिइरहेको छ ।
यस्तै गुणस्तरीय सेवा सुविधा दिएको भन्दै विभिन्न अर्वाड पाइसकेको छ । रिसोर्टले ‘इन्टरनेशनल गोल्ड स्टार
फर क्वालिटी’ शिर्षकमा ‘बिड क्वालिटीअवार्ड २०१६,’ ‘वल्र्ड क्वालिटी कमिटमेन्ट अवार्ड, ‘बेष्ट इन्टरप्राइज
अवार्ड, लगायतका थुप्रै अन्र्तराष्ट्रिय स्तरका अर्वाड जित्न पनि रिसोर्ट सफल भइ सकेको छ ।